Al praschunier a Genevra steva a disposiziun durant in temp da 599 dis ina cella da quater meters quadrat. I na bastia betg da pudair bandunar la cella durant trais e mez enfin tschintg e mez uras a di. Quai decida il Tribunal federal en la sentenzia ch'è vegnida publitgada la gievgia.
Uschia ha la praschun Champ-Dollon a Genevra violà il scumond da la tortura francà en la Convenziun europeica dals dretgs umans.
Gia en autras sentenzias aveva il Tribunal federal decidì, che cundiziuns d'arrest insuffizientas sco ina cella memia pitschna per passa trais mais n'èn betg pli tolerablas. Er ina interrupziun da trais dis na sappia betg medegiar questa situaziun.
RR novitads 14:00