Siglir tar il cuntegn

Header

Recruts en ina sala da mangiar.
Legenda: Enstagl da 21 emnas dura la scola da recrut da nov anc 18 emnas. Keystone
cuntegn

Svizra La refurma da l’armada è sut tetg

L'armada svizra duai survegnir en tut 20 milliardas francs ils proxims 4 onns. Quai ha decis il Cussegl dals chantuns il glindesdi cun 30 cunter 10 vuschs. Uss dovri mo anc la votaziun finala dal parlament.

Il Cussegl naziunal aveva gia approvà il rom d’expensas da l'armada. E davart la refurma hai era dà in accord. Las truppas vegnan sminuidas sin in effectiv reglamentar da 100’000 schuldads, quai munta in effectiv real da 140’000. Sco finamira è definì che 35’000 schuldads èn pronts entaifer 10 dis per entrar en acziun.

La scola da recrut sa reducescha cun la refurma da 21 sin 18 emnas. Silsuenter suondan 6 curs da repetiziun da mintgamai 3 emnas. En tut ha il parlament surpiglià ina pulita part da las propostas ch’il Cussegl federal aveva fatg.

RR Novitads 18:00

sda/ba

Artitgels legì il pli savens

Nach links scrollen Nach rechts scrollen