Las dunnas e la sanestra n'èn er ils proxims quatter onns betg represchentadas en la regenza dal chantun Lucerna. En il segund scrutini han Marcel Schwerzmann senza partida e Paul Winiker da la PPS dumagnà la reelecziun.
La candidata dals Verds, Korintha Bärtsch, è restada senza schanza. En l'emprim scrutini aveva ella anc fatg in bun resultat, uschia ch'ils Socialdemocrats avevan retratg lur candidat en favur da Bärtsch.
Gia en l'emprim scrutini eran vegnids reelegids Guido Graf e Reto Wyss da la PCD. E Fabian Peter da la PLD era vegnì elegì sco successur da Robert Küng er da la PLD, ch'era sa retratg.
RR novitads 15:00