Siglir tar il cuntegn

Header

La halla da la staziun principala a Turitg.
Legenda: Ils passagiers da las Viafiers federalas èn stads pli cuntents l’onn passà. Keystone
cuntegn

Svizra La SBB fa in gudogn, patescha dentant en plirs secturs

Las Viafiers federalas svizras han transportà l'onn passa radund 1,2 milliuns passagiers, quai èn 2,7% dapli che l'onn avant. E tuttina: il gudogn da la SBB è sa reducì per passa in terz sin anc 246 milliuns francs.

Senza ils effects dal ferm franc fiss il gudogn però crudà ora per 80 milliuns pli aut, communitgescha la SBB. Cun in stop d’engaschar persunal nov, cun spetgar d’occupar plazzas vacantas e cun contractar meglras cundiziuns tar la cumpra hajan els pudì limitar quests effects negativs.

L'infrastructura fa quitads

Dapli expensas ha la SBB puspè gì tar il mantegniment da l’infrastructura. Il 2015 ha quest segment nudà ina sperdita da 96 milliuns francs, bunamain il dubel bler sco l’onn avant. Malgrà las grondas stentas è il stan dal trassé mo suffizient, sco il rapport davart il stan da la rait 2015 mussa. La segirezza è dentant garantida tenor la SBB.

Traffic da rauba deficitar

Sut squitsch è era il traffic da rauba da la SBB. Suenter dus onns cun resultats positivas ha il traffic da rauba puspè nudà cifras cotschnas l’onn passà. Il deficit munta a 22 milliuns francs.

Bun svilup tar ils passagiers

Tuttina anc ina buna novitad ha la SBB dal traffic da persunas. Quel ha nudà il 2015 2,7% dapli passagiers, ed in augment dal gudogn da 104 sin 131 milliuns francs. Ed era la cuntentientscha dals passagiers è creschida l’onn passà.

RR Novitads 10:00

sda/ba

Artitgels legì il pli savens

Nach links scrollen Nach rechts scrollen