Siglir tar il cuntegn

Header

cuntegn

Svizra La secretaria da stadi Pascale Baeriswyl sa retira

Pascale Baeriswyl banduna ses uffizi sco secretaria da stadi tar il Departament federal d'affars exteriurs. Ella mida la stad 2020 tar la missiun svizra tar las Naziuns Unidas a New York.

Il 2016 era Baeriswyl vegnida nominada da Didier Burkhalter sco secretaria da stadi tar il DFAE. Ella aveva surpiglià il 2016 il post dad Yves Rossier.

Il 2018 aveva il Cusseglier federal Ignazio Cassis nominà sper Baeriswyl cun Roberto Balzaretti in segund secretari da stadi. Balzaretti era lura responsabel per las fatschentas cun l'Uniun Europeica, Baeriswyl tenor ils pleds da Cassis «per il rest dal planet».

Fin uss n'è betg enconuschent, sche Cassis nominescha ina successura u in successur per Baeriswyl u sch'il post vegn puspè surdà mo ad ina persuna.

RR novitads 16:00