Siglir tar il cuntegn

Header

cuntegn

Svizra La segirezza vala dapli che la libertad

La fin da settember ha il pievel svizzer approvà cun gronda maioritad la nova lescha davart il servetsch d’infurmaziun. In nov studi mussa uss, che dus da trais votants èn pronts da renunziar d’ina part da lur libertad individuala per avair dapli segirezza.

La raschun per il cler gea a la lescha federala davart il servetsch d’infurmaziun vesan ils auturs dal studi VOTO en la situaziun da segirezza actuala sin l’entir mund. 83% dals dumandads vulan in ferm servetsch d’infurmaziun per cumbatter il terrorissem.

La segirezza era in tema tar ils sanesters

Perfin ina stretga minoritad dals adversaris da la nova lescha van d’accord da rinforzar il servetsch d’infurmaziun per auzar la segirezza. E cun analisar la moda da vuschar tenor partidas, han ils auturs dal studi vis che sulettamain ils votants pli a la sanestra han refusà la nova lescha. Gia tar ils commembers da la PS han 57% ditg gea a la fatschenta.

Successura da l'analisa VOX

Per la retschertga represchentativa han ins dumandà 1’575 persunas cun dretg da vuschar, quai durant duas emnas suenter il termin da votaziun. L’analisa VOTO remplazza l’analisa VOX da fin qua.

RR novitads 14:00

Artitgels legids il pli savens