Siglir tar il cuntegn

Header

cuntegn

Svizra La segunda recruta da quest onn ha cumenzà

Per la segunda scola da recruta ha l'armada spetgà il glindesdi radund 10'500 recruts, tranter els er 160 dunnas.

En Svizra han il glindesdi radund 10'500 giuvenils cumenzà la scola da recruta – tranter quels era 160 dunnas. Radund 200 recruts vegnan ad absolver lur servetsch a moda cuntinuada. Per l'emprima giada vegn durant quest recruta manà tras in curs da pilot en il sectur «cyber». Quai ha communitgà il Departament federal da defensiun, protecziun da la populaziun e sport.

50 persunas èn vegnidas sclausas gia avant il cumenzament da la recruta. Quai pervi dad eveniments succedids suenter la mustra. L'armada vul cun questas mesiras evitar che persunas che pudessan periclitar sasez ubain lur ambient social, absolvian la recruta.

RR novitads 15:00

Artitgels legids il pli savens