Sin l'autostrada A2 da Lucerna en direcziun Gottard hai dà lungas colonnas la sonda. Enturn mezdi avevan quellas cuntanschì 14 kilometers ed igl era da spetgar passa duas uras avant il portal nord dal Gottard. Vers la saira è la situaziun sin via puspè sa normalisada ed a las 19:00 n'avevi naginas colonnas pli.
Ch'igl è en il sid quests dis in zic pli chaud, pudess avair motivà inqual da gia cumenzar las vacanzas da Pasca in zic pli baud.
Pass anc serrads pervi da la naiv
Sur blers pass vala anc adina il scumond da charrar da l'enviern. Tranter auter er sur il Pass dal Son Gottard. Las lavurs da rumir la naiv han bain cumenzà, las autoritads da l'Uri van però da quai anora ch'il pass avra per il pli baud ils 17 da matg.
RR novitads 11:00