Il barat d'infurmaziuns automatic duai gidar d'engrevgiar a persunas da guntgir da pajar taglia. En futur duain las infurmaziuns vegnir barattadas annualmain, a partir dal 2019 cun radund 80 stadis.
Quest onn avessan dasper la Svizra er ils 28 stadis da l'Uniun Europeica gì da sa participar. La Rumenia e la Cipra n'èn dentant betg cumpigliads, perquai che las pretensiuns internaziunalas da confidenza e segirezza da datas n'èn betg ademplidas.
Il barat cun l'Australia e la Frantscha sa retardescha per motivs tecnics. Er Estland e la Croazia han il medem problem e n'han anc betg pudì furnir las datas a la Svizra.
RR novitads 14:00