Siglir tar il cuntegn
cuntegn

Svizra La Svizra baratta emprima giada automaticamain infurmaziuns

Cun 31 stadis ha la Svizra barattà infurmaziuns da radund 2 milliuns contos da finanzas. Ella haja dentant era survegnì bleras infurmaziuns da contos da finanzas, ha communitgà l'Administraziun federala da taglia. Da tge summas ch'i sa tracta n'è betg enconuschent.

Purtret da bancnotas da francs sin ina pluna.
Legenda: Cun l'agid dal barat d'infurmaziun automatic duai vegnir evità che daners da taglia pon vegnir zuppads. Keystone

Il barat d'infurmaziuns automatic duai gidar d'engrevgiar a persunas da guntgir da pajar taglia. En futur duain las infurmaziuns vegnir barattadas annualmain, a partir dal 2019 cun radund 80 stadis.

Quest onn avessan dasper la Svizra er ils 28 stadis da l'Uniun Europeica gì da sa participar. La Rumenia e la Cipra n'èn dentant betg cumpigliads, perquai che las pretensiuns internaziunalas da confidenza e segirezza da datas n'èn betg ademplidas.

Il barat cun l'Australia e la Frantscha sa retardescha per motivs tecnics. Er Estland e la Croazia han il medem problem e n'han anc betg pudì furnir las datas a la Svizra.

RR novitads 14:00