Siglir tar il cuntegn

Header

Midament da l'ura.
Legenda: Maletg da simbol. Keystone
cuntegn

Svizra La Svizra duai chalar cun la midada da l'ura

Quai pretenda in’iniziativa dal pievel ch’è vegnida publitgada il mardi. La Chanzlia federala a Berna ha schon in'emprima giada examinà ella. Fin l'october 2020 han ils iniziants temp da rimnar las 100'000 suttascripziuns necessarias.

Sche l'iniziativa vegn acceptada valess en Svizra adina il temp da l'Europa centrala, quai che nus enconuschain sco temp d'enviern. Dapi il 1981 enconuscha la Svizra la midada da l'ura en temp d'enviern e temp da stad.

Uniun europeica decida anc

Il mars ha il parlament da l'Uniun europeica s'exprimì per abolir il midament da l'ura. Sche tut ils stadis commembers èn d'accord cun quai, pudess l'Uniun Europeica l'october 2021 per l'ultima giada midar l'ura.

RR novitads 12:00