Quest appel è vegnì publitgà en la gasetta «Tribune de Genève» ed è er da chattar online. Suttascrit han tranter auter er cussegliers guvernativs sco Antonio Hodgers dals Verds, tut ils parlamentaris federals, il scrivent Adolf Muschg e Pedro Lenz sco era l'istoricher Jakob Tanner e l'anteriur Cusseglier naziunal e professer da sociologia emerità, Jean Ziegler.
Situaziun umanitara catastrofala
Quest appel sa referescha sin ils rapports da sindicalists da la Svizra romanda. Avant in pèr emnas eran els stads al cunfin tranter la Serbia e la Croazia ed avevan vesì la paina immensa da tschientmillis fugitivs. Cun serrar la ruta dal Balcan vivian ils fugitivs en ina situaziun d'urgenza umanitara. La Svizra stoppia far insatge per prender si quels fugitivs uschè svelt sco pussibel en Europa.
RR novitads 11:00