Siglir tar il cuntegn
Fugitivs bandunan il bastiment da salvament.
Legenda: Survivents d’ina da las disgrazias da fugitivs sin la Mar mediterrana bandunan il bastiment da salvament. Keystone

Svizra La Svizra duai vegnir activa en vista al drama da fugitivs

L’organisaziun per ils dretgs umans Amnesty International ha rugà il Cussegl federal, da gidar tar la tragedia da fugitivs en la Mar mediterrana.

En ina brev a la presidenta da la Confederaziun, Simonetta Sommaruga, pretenda Amnesty International dapli contingents per fugitivs. Supplementarmain dumonda Amnesty da simplifitgar la retratga da visums e las reuniuns da famiglias. Uschia possia la Svizra contribuir a rutas da viadi pli segiras per ils fugitivs.

Ultra da quai propona Amnesty International en la brev a Sommaruga, da rinforzar l’agid finanzial per in sistem da salvament en la Mar mediterrana.

E l’organisaziun d’agid Caritas ha appellà al Cussegl federal ed al parlament, da puspè introducir la pussaivladad da dumandar asil en in’ambassadura svizra.

RR Novitads 17:00

Artitgels legids il pli savens