Siglir tar il cuntegn

Header

cuntegn

Svizra La Svizra è il pajais il pli cumpetitiv dal mund.

Gia per l'otgavla giada en roda è la Svizra tenor WEF il pajais il pli cumpetitiv dal mund. Sco quai ch'in studi dal forum mundial d'economia mussa, ha la Svizra survegnì 5,8 da maximalmain 7 puncts.

En tut èn 138 pajais vegnids cumparegliads en il studi dal WEF. I dat 12 categorias principalas che vegnan intercuridas. En quatter da questas categorias è la Svizra la meglra. En 11 da las categorias è la Svizra en ils top diesch. Sulet tar la grondezza dal martgà è la Svizra sin plaz 39 da 138. Quai perquai che la Svizra è da natira anora pitschna.

Blers puncts ha la Svizra survegnì per l'effizienza dal martgà da lavur, ses sistem politic e sias universitads. La Svizra haja in dals pli fritgaivels ecosistems d'innovaziun.

Puncts debels sajan tranter auter la deflaziun ed il fatg che relativamain paucas dunnas lavurian. Era per fundaturs da novas interpresas dettia relativamain gronds obstachel.

Sin plazza dus dals pajais ils pli cumpetitivs è il Singapur, sin plazza trais ils Stadis Unids da l'America.

RR novitads 06:00

Artitgels legids il pli savens