Siglir tar il cuntegn

Header

cuntegn

Svizra La Svizra è ina partenaria stimada

Il president da la Confederaziun Johann Schneider Ammann ha punctuà che la Svizra na saja betg mo in pitschen punct sin la carta geografica dal mund. La Svizra saja ina partenaria stimada e da success.

audio
Mezdi: 1. d’avust - pled da Johann Schneider-Ammann
ord Actualitad dals 01.08.2016.
laschar ir. Durada: 2 minutas 28 Secundas.

Schneider Ammann ha menziunà ils trais pilasters che fetschian ferma la Svizra: furmaziun, innovaziun ed independenza. Tuts trais sajan clavs per il bainstar e per perspectivas. El ha regurdà che la Svizra gudogna mintga segund franc en l'exteriur. I valia da mantegnair la via bilaterala, ha punctuà il president da la Confederaziun.

Carla del Ponte ha tegnì pled sin il Rütli

La pledadra da la festa sin il Rütli, Carla del Ponte, ha numnà la multifariadad sco pli grond scazi da la Svizra. Ord la diversitad da linguas e cultura naschia questa avertadad che la Svizra dovria per in'avegnir da success, ha ditg l'anteriura procuratura federala. Toleranza, avertadad e dialog lubeschian a la Svizra da guardar cun optimissem en il futur, malgrà ils eveniments mundials hectics e turbulents. - Carla del Ponte è l'emprima pledadra da lingua taliana che tegn il pled per l'emprim d'avust sin il Rütli.

RR novitads 14:00

Artitgels legids il pli savens