En Grischuns ed en il chantun Tessin èn en letg ils pli blers cun grippa. Sin 100'000 abitants èn registrads 670 cas da grippa uschia l’uffizi federal da sanadad. La cifra è cun quai dubel uschè auta sco la media Svizra.
La tendenza Svizra saja quella, che l’unda da grippa creschia vinavant. En Grischun dentant van ils cas enavos. Uffants sajan pertutgads il pli ferm dal virus. Cumpareglià cun il medem temp da l'onn passà sajan vegnids registrads quest onn dapli cas. Mez schaner aveva l’unda da grippa prendì giu levamain, ussa crescha ella però puspè. Las cifras actualas as refereschan sin la fin da schaner.
RR novitads 12:00