Siglir tar il cuntegn

Header

Il guid da Michelin che cumpara ils 7 d'october 2016.
Legenda: Il guid da Michelin cumpara ils 7 d'october 2016. Keystone
cuntegn

Svizra La Svizra - in pajais da gourmet

En tut han ils experts da gastronomia premià 117 restaurants en Svizra cun ina u pliras stailas da Michelin. En media europeica posseda la Svizra ils pli blers restaurants premiads. Ils ultims tschintg onns ha la Svizra augmentà il dumber da stailas per 20%.

Da nov van duas stailas al restaurant Silver a Val son Pieder. L’onn passà era il restaurant gia vegnì undrà per l’emprima giada cun ina staila.
Tar ils restaurants da trais stailas da Michelin na datti naginas midadas. Uschia portan trais restaurants en Svizra questa premiaziun. Tranter quests er il restaurant Schauenstein a Fürstenau en Tumleastga.

Nova distincziun per l'idea dad Andreas Caminada

Igniv by Andreas Caminada - quest nov restaurant en il Grand Resort a Bogn Ragaz survegn da nov ina staila da Michelin. Il concept d'Andreas Caminada ha persvadì ils experts. El e ses schef da cuschina, Silvio Germann han pudì prender encunter la distincziun.

RR novitads 14:00

Artitgels legids il pli savens

Scrollar a sanestra Scrollar a dretga