Siglir tar il cuntegn

Header

Navigaziun

Polizia a la plazza aviatica.
Legenda: Er en Svizra è la preschientscha da la polizia vegnida rinforzada a las plazzas aviaticas. Keystone
cuntegn

Svizra La Svizra n’è betg periclitada

Spezialists da la Confederaziun investigheschan il mument sche quai dat in privel concret per la Svizra suenter las attatgas da terror a Brüssel. Sco il servetsch secret federal ha communitgà na dettia quai nagin privel direct per la Svizra. A Berna è vegni clamà in stab da crisa.

Il servetsch secret investighescha il mument sche las attatgas a Brüssel pon midar la situaziun da privel d’acts terroristics per la Svizra. Tenor ils servetschs secrets è il privel d’acts da terror gia dapi il november 2015 e las attatgas a Paris fitg auts. Tenor il servetsch secret n’è la Svizra betg ina finamira primara per acts da terror islamistics. Ma sco in stadi dal vest resta la Svizra ina pussaivla finamira. Talas attatgas sco a Brüssel ni er las attatgas da Paris pon adina influenzar era persunas radicalas en auters pajais ed er en Svizra, conferman ils servetschs secrets.

RR novitads 12:00