Da nov èn ils Stadis Unids da l'America, il Singapur sco er la Germania sin las plazzas in fin trais da la rangaziun. Ils davos nov onns è la Svizra adina stada sisum la glista.
Ina nova metoda ch'è adattada al temp
Il WEF mesira en tut 98 indicaturs da 140 stadis. La Svizra vegn quest onn sin 83 puncts da total 100, ils Stadis Unids ch’èn sin plazza 1 vegnan sin 86 puncts. En in mund nua che las tecnologias digitalas domineschian sa midan era las pretensiuns per regenzas ed interpresas e perquai saja quai stà necessari d'adattar las metodas, scrivan ils responsabels dal WEF.
Uschia vegnan uss era examinai facturs sco la cultura d’interpresa, l'avertadad, l'agilitad u er co generar ideas. La Svizra survegn surtut bunas notas per la furmaziun e las scolaziuns professiunalas ed er per la viafier ed il provediment d’aua.
RR novitads 06:00