Svizra - La Svizra na dastga betg dar datas a l’Ollanda
Il Tribunal administrativ federal ha approvà in recurs d’in client ollandais da la banca gronda UBS ollandais. Uschia na po la Svizra betg surdar las datas dal client a l’Ollanda.
Sco motiv numna il Tribunal administrativ ch’il num na saja betg vegnì numnà en la dumonda e dumondas senza nums sajan sclausas da la cunvegna davart l’imposiziun dubla da taglia, argumentescha la dretgira. Il text en la cunvegna saja cler. L’Ollanda aveva inoltrà ina dumonda per agid uffizial, ma senza numnar il num dal client, mabain sulet ils criteris per identifitgar il client da l'UBS.
