Siglir tar il cuntegn
Inhalt

Svizra La Svizra – nagin sfendaraps tar la furmaziun

Il 2015 ha la Confederaziun investì 36,7 milliardas franc en instrucziun e perscrutaziun. Quai èn bunamain 800 milliuns dapli che l'onn avant, uschia l’Uffizi federal da statistica.

Scolara che fa pensums
Legenda: La mesadad da las expensas è per la scola e scola speziala obligatorica. Keystone

Cun resguardar la chareschia munta quai in augment da 3,5%. Damai èn questas expensas creschidas trais giadas pli spert ch'il product naziunal brut (PNB) e bunamain medem spert sco las expensas totalas dal stadi.

Era il cumpart da las expensas per furmaziun tar las expensas publicas totalas è s'augmentà. Ussa è la furmaziun il post d'expensas il pli grond suenter la segirtad sociala.

Tgi ha surpiglià ils custs?

La gronda part surpiglian ils chantuns cun 23 milliardas. Radund la quarta part vegn surpigliada da las vischnancas e mo 10% da la Confederaziun.

La mesadad dals daners vegn investì en la scola e la scola speziala obligatoria. Ma era las scolas autas, la perscrutaziun e la furmaziun professiunala survegnan in bun toc da la turta.

RR novitads 18:00