Siglir tar il cuntegn

Svizra La Svizra resta il numer 1

Per la 7avla giada en seria ha il Forum economic mundial WEF declerà la Svizra sco pajais il pli cumpetitiv dal mund. En tut èn 140 pajais vegnids examinads tenor 12 criteris standardisads.

La producziun dad in chalzer.
Legenda: L'economia svizra po far frunt a l'ambient che sa mida. Keystone

En in ambient che sa midia cuntinuadamain haja la Svizra mussà ina resistenza remartgabla, scriva il WEF. Vegnì ludà è tranter auter la fiera da lavur flexibla, il sistem da furmaziun, l'infrastructura e las fieras da finanzas.

Problematic saja la birocrazia statala, ina reglamentaziun restrictiva da la fiera da lavur, la cumplexitad da las taglias e la mancanza da spezialists. Per quests motivs saja la posiziun 1 da la Svizra era periclitada.

Top 10 restan stabils

Cumpareglià cun ils ultims onns n'èn ils top 10 dal studi strusch sa midads. Sin plazza dus sa chatta il Singapur, quai avant ils Stadis Unids. La Germania ha fatg bun in plaz ed è da nov sin plazza 4. La valitaziun è però vegnida fatga avant il scandal da VW.

RR novitads 06:00