La Svizra survegn in nov tunnel al Gottard

Il suveran svizzer di gea a la segunda fora tras il Gottard e quai cun 1'883'741 gea (57,0%) a 1'420'481 na (43,0%). Era ils 2 chantuns ils pli pertutgads dad in nov tunnel – Tessin ed Uri – han ditg gea.

Sanaziun dal tunnel da via dal Gottard Serrar/arver

Project fed.: Midada dals 26 da settember 2014 da la lescha federala davart il traffic da transit sin via en il territori da las Alps (LTTV) (Sanaziun dal tunnel da traffic dal Gotthard)

GeaVuschs- absolut: (1'883'741 vuschs)
NaVuschs- absolut: (1'420'481 vuschs)
Relativ vuschs gea: 57.0%
Relativ vuschs na: 43.0%
Enumeraziun dals resultats da votaziun da quest project tenor chantuns
Chantun Procentuala da las vuschs gea Procentuala da las vuschs na Absolut da las vuschs gea Absolut da las vuschs na
Argovia 68% 32% 179232 84407
Appenzell Dadora 51.2% 48.8% 13021 12421
Appenzell Dadens 53.8% 46.2% 3623 3106
Basilea-Champagna 61.2% 38.8% 71069 45071
Basilea-Citad 51.6% 48.4% 37934 35644
Berna 57.7% 42.3% 254332 186601
Friburg 55.4% 44.6% 67233 54203
Genevra 45.2% 54.8% 60409 73116
Glaruna 59.9% 40.1% 8969 5993
Grischun 60.2% 39.8% 49330 32666
Giura 50.2% 49.8% 14052 13953
Lucerna 61.4% 38.6% 111406 70011
Neuschatel 50.6% 49.4% 31263 30506
Sutsilvania 63.1% 36.9% 14026 8191
Sursilvania 65.5% 34.5% 12126 6390
Schaffusa 53% 47% 19831 17564
Sviz 68.2% 31.8% 47684 22263
Soloturn 65.3% 34.7% 73857 39263
Son Gagl 56.1% 43.9% 109503 85790
Tessin 57.8% 42.2% 85157 62258
Turgovia 57% 43% 55968 42208
Uri 53% 47% 10170 9017
Vad 45.5% 54.5% 117681 140830
Vallais 56.6% 43.4% 75523 57912
Zug 63.3% 36.7% 32911 19090
Turitg 55.5% 44.5% 327431 262007

Resultat final

GeaVuschs- absolut: (1'883'741 vuschs)
NaVuschs- absolut: (1'420'481 vuschs)
Relativ vuschs gea: 57%
Relativ vuschs na: 43%
  • District:
    Vuschs gea: (1'883'741 vuschs)
    Vuschs na: (1'420'481 vuschs)
Zuppentar resultats da district Mussar resultats da district Serrar/arver

Suenter in cumbat da votaziun emoziunal e cuntravers han gudagnà ils aderents cun Doris Leuthard a la testa. Ils represchentants da l’iniziativa da las alps han survegnì ina tera schleppa.

Da tut ils chantuns svizzers han mo vuschà ils chantuns Genevra e Vad encunter la segunda fora per ils autos entras il Gottard.

Tant il Grischun sco la Svizra din gea al segund tunnel dal Go...

5:28 min, Telesguard dals 28.2.2016

Segirtad e solidaritad

Quai sajan stads ils arguments che han persvadì a las Svizras ed als Svizzers dad esser per ina segunda fora al Gottard, resumescha l’Agentura da novitads Svizra sda.

Per ils victurs na saja quai dentant nagina raschun da far patgific, din ils perdents. Ussa stoppian els accumplir lur empermissiuns e procurar per ch’i na dettia nagina lavina da tola al Gottard.

Il suveran svizzer saja stà solidar cun la populaziun dal Tessin, s’allegra il cusseglier dals chantuns Filippo Lombardi (PCD) envers Radio Rumantsch. Ch’era il chantun Uri ha votà gea saja positiv, di il president da la regenza tessinaisa, Norman Gobbi (Lega).

Aspectativas concretas da tuttas varts

Il PS ed ils Verds pretendan ina garanzia, ch’il traffic vegni manà era en avegnir mo cun 1 vial tras il tunnel e na betg cun 2.

I saja consequentamain da proteger las Alps e transportar la martganzia sin ils binaris, punctuescha la presidenta dals Verds, Regula Rytz.

Ils adversaris burgais teman uss il squitsch finanzial sin auters projects da vias. Che projects impurtants en las aglomeraziuns vegnian stuschads uschia, di il cusseglier dals chantuns, Konrad Graber (PCD). En pli saja vegnì discurrì en tut la debatta tar la votaziun massa pauc da las finanzas.

«Victoria da la raschun»

Quai è la reacziun da las partidas burgaisas. Ils Svizzers e las Svizras hajan chapì, ch’i na dettia nagina alternativa ad ina segunda fora tras il Gottard – uschia il cusseglier naziunal Thierry Burkart (PLD).

Il cusseglier naziunal e president da la societad da commerzi, Jean-François Rime (PPS), quietescha ils perdents da la sanestra. La tema, ch’ils autos passan sin 4 vials tras il Gottard na saja giustifitgada. El na sa vegni mai ad engaschar per ina tala pretaisa.

Il gea è ina cesura en la politica da traffic

Per l’emprima giada suenter il gea a l'iniziativa da las Alps l'on 1994 ha la populaziun Svizra vuschà per in augment da capacitad per autos en las Alps. Era sch’il tunnel projectà vegn rivi cun mo in vial vegni facticamain a dar in augment da capacitad.

RR novitads 18:00