En l’index da globalisaziun dal KOF da l’ETH Turitg è la Svizra sin la tschintgavla plazza. Avant la Svizra èn l’Ollanda suandada da l’Irlanda, la Belgia e l’Austria. L’index 2017 sa referescha sin las cifras da l’onn 2014. En tut è il grad da la globalisaziun en Svizra creschì il 2014 pli ferm ch’ils onns avant.
En cumparegliaziun cun l’onn precedent sajan tant la globalisaziun economica sco era la globalisaziun politica creschidas. Dentant saja la globalisaziun sociala stagnada, scrivan ils experts dal KOF da l’ETH Turitg.
L’index da globalisaziun dal KOF cumpareglia datas da 187 pajais tranter 1970 e 2014.