Siglir tar il cuntegn

Svizra La Swiss profitescha dals bass pretschs per carburant

Ils bass pretschs per carburant procuran ch'il gudogn è creschì il 3. quartal per passa in terz.

In aviun da la Swiss.
Legenda: La societad aviatica ha da sbatter cun il ferm franc svizzer, ma po er profitar dals bass pretschs per carburant. Keystone

La societad aviatica Swiss ha da cumbatter cun il squitsch da concurrenza ed il ferm franc. A medem temp profitescha ella però uschè fitg dals pretschs bass per carburant. Uschia è il gudogn dal terz quartal creschì per passa in terz sin 187 milliuns francs. In'ulteriura raschun per quest marcant augment saja dentant er il program da spargn ch'ins haja instradà communitgescha la societad aviatica Swiss. La svieuta da l'interpresa è però sa reducida per 1% sin 1,38 milliardas francs.

RR novitads 11:00