La Trisomia 21 vala sco menda da naschientscha

Trisomia 21 vala da nov sco menda da naschientscha. Quai ha decis il Cussegl federal. Uschia sto la cassa d'invaliditad surpigliar davent dal mars tut ils custs da tractament per persunas sut 20 onns.

Ina famiglia ed uffants pertutgads. Bild in Lightbox öffnen.

Legenda da maletgs: Sustegn per pertutgads e famiglias - tractamanets per uffants cun trisomia 21 vegnan sustegnids novamain tras la cassa d'invaliditad. Keystone

Fin uss han las cassas da malsauns surpiglià custs da fisioterapia e psicoterapia. Las bleras ulteriuras malsognas ch'accumpognan trisomia 21 valan gia sco mendas da naschientscha.

Cun questa decisiun reagescha il Cussegl federal sin in'incumbensa dal parlament. Ils custs, che resultan tras questa decisiun per la cassa d’invaliditad na sa laschian betg anc eruir precisamain, scriva il Departament federal da l’intern. Tenor la sda vegn la mesira a custar plirs milliuns francs ad onn.

La decisiun è in levgiament per las finanzas dals pertutgads e lur famiglias, cun quai ch’i na dat nagina franschisa tar la cassa d’invaliditad.

RR novitads 15:00