Siglir tar il cuntegn

Header

Ina persuna che tatga la vignetta vid la fanestra davant.
Legenda: Tatgar la vignetta vid la fanestra davant duai bainbaud tutgar tar il passà. Keystone
cuntegn

Svizra La vignetta da tatgar duai svanir

Ina vignetta electronica duai bainbaud remplazzar la vignetta da tatgar, quai ha decis il Cussegl dals chantuns. Dapi il 1985 tatgan ils automobilists mintg’onn ina nova vignetta sin la fanestra davant.

Tar la discussiun davart il fond per las vias naziunalas ed il traffic da l’aglomeraziun ha il Cussegl dals chantuns surdà l’incumbensa al Cussegl federal d’introducir ina vignetta electronica fin la fin dal 2017.

La ministra dal traffic Doris Leuthard è sa mussada averta: Tuts sajan cuntents sch’il sistem actual vegnia remplazzà. Cun la vignetta electronica è er colliada la speranza per in pretsch pli aut da la vignetta.

Ulteriura emprova d'augmentar il pretsch

In augment da 40 sin 100 francs per finanziar la rait da vias n’aveva gì nagina schanza tar la votaziun dal pievel il 2013. Sinaquai aveva la cumissiun dal traffic dal Cussegl dals chantuns elavurà ina moziun cun l’idea da cumbinar l’augment cun in meglierament, pia la vignetta electronica. Decis n’è però nagut, la fatschenta va enavos en il Cussegl naziunal.

RR novitads 15:00

sda/cs

Artitgels legì il pli savens

Nach links scrollen Nach rechts scrollen