Siglir tar il cuntegn

Header

Maletg simbolic: baracca per stagiunaris.
Legenda: Maletg simbolic: baracca per stagiunaris. Keystone
cuntegn

Svizra La vischnanca da Mellingen na chapescha betg il chantun

L'Argovia vul plazzar requirents d'asil en anteriuras baraccas da stagiunaris a Mellingen, senza far adattaziuns.

Il Cussegl communal da Mellingen pretenda ina permissiun da construcziun per pudair nizzegiar las baraccas e sa senta surprais dal proceder dal chantun. Quel a numnadamain explitgà la fin settember a la vischnanca ch'i na dovri nagina permissiun. E pauc pli tard èn gia ils emprims requirents d'asil arrivads en l'alloschi.

Fatg curt proceder

L'emprim contact tranter il Cussegl communal e las autoritads chantunalas saja stà la stad passada. Suenter ch'ins haja inspectà ensemen las baraccas haja il Cussegl communal supplitgà il chantun d'inoltrar ina dumonda da construir per pudair nizzegiar las baraccas che sajan gia dapi 10 onns ord funcziun. La fin settember haja il chantun respundì ch'i na dovria nagina lubientscha. Anc il medem suentermezdi sajan ils emprims otg requirents d'asil vegnids plazzads en las baraccas da la zona d'industria «Gheid».

Lubientscha è necessaria

Il Cussegl communal da Mellingen numna plirs motivs daco ch'i saja necessari d'inoltrar ina dumonda da construir. Gia cura che las baraccas vegnivan duvradas sco alloschi per stagiunaris duvravi ina lubientscha excepziunala. Ultra da quai dettia gia ina lubientscha da construir per in parc da mastergn. Emprima lavurs da spazzar hajan gia cumenzà.

RR novitads 15:00

Artitgels legids il pli savens

Scrollar a sanestra Scrollar a dretga