Laders da bischutaria probabel fugids senza preda

Ils laders ch'han assaglì la sonda passada a la via da la staziun a Turitg ina bischutaria èn probablamain fugids senza preda. Da cler di avevan els attatgà la fatschenta «Graff» cun in VW Touareg.

La fatschada da la bischutaria è vegnida donnegiada considerablamain. Avrir maletg en lightbox.

Legenda da maletgs: La fatschada da la bischutaria è vegnida donnegiada considerablamain. Keystone

Sco la polizia da la citad da Turitg ha confermà manca sulettamain in bischu. Quel possia dentant era anc sa chattar sut las ruinas da la fatschenta. Cler saja, che tut ils numers dals vehichels ch'ils laders han duvrà durant l'assagl sajan stads enguladas.

Ils laders èn vinavant en fugia. La sonda avevan els attatgà ina bischutaria durant il di. Curt avant las 11:00 eran els charrads almain duas giadas en la vitrina da la fatschenta «Graff» cun in VW Touareg.

RR novitads 18:00