Siglir tar il cuntegn
Inhalt

Svizra LafargeHolcim remplazza schef da finanzas

3 mais suenter la fusiun da las interpresas da cement Holcim e Lafarge, mida l’interpresa nova uss il schef da finanzas. L’actual schef Thomas Aebischer vegn remplazzà e surpiglia funcziuns novas ordaifer la gruppa, communitgescha l’interpresa LafargeHolcim.

Cullis sin palpiri.
Legenda: Il nov schef da finanzas, Ron Wirahadiraksa, è oriund da l'Ollanda e ha 55 onns. Keystone

Aebischer vegn remplazzà da l’actual schef da finanzas dal concern d’electronica Philips, Ron Wirahadiraksa. El lavura dapi 1987 tar Philips, dapi il 2011 sco schef da finanzas.

La midada è vegnida instradada dal schef da l’interpresa, Eric Olsen. Il cussegl d’administraziun sustegnia la decisiun. Talas midadas sajan normalas tar ina nov’interpresa, ha ditg in pledader da l’interpresa.

RR novitads 09:00