Il scumond da pestgar ferra blaua per 3 onns na gidia però betg, uschia la federaziun svizra da pestgaders da professiun. Tenor ella èn ils blers cormorans il problem. Quest'emna aveva la conferenza internaziunala dals delegads per la pestga en il Lai da Constanza decidì in scumond per 3 onns per che la populaziun possia sa revegnir.
L'onn passà eran vegnidas pestgadas mo 21 tonnas ferra blaua, l'onn avant anc 107 tonnas. La ferra blaua è la noda-chasa culinarica da la regiun. Ussa saja quai dad offrir auters peschs a la clientella, din ils pestgaders svizzers, per exempel la pertga, il glischun, la plotra, il silur u era il sander.
audio
Per tadlar: las novitads da las 15:00
ord RTR Audio dals 23.06.2023.
laschar ir. Durada: 3 minutas 1 Secunda.