Siglir tar il cuntegn

Header

cuntegn

Lai da Constanza Aviun pitschen croda en l'aua – pilot è mort

Datiers da Staad en il chantun Son Gagl è in aviun crudà en il Lai da Constanza la gievgia suentermezdi. I sa tractia dad in aviun pitschen. Il pilot saja partì davent da l’eroport dad Altenrhein ed haja annunzià problems tecnics curt avant che l’aviun saja crudà giu en il Lai da Constanza. Co la polizia chantunala da Son Gagl ha communitgà, è il pilot mort.

La polizia n’ha il mument nagins indizis, che anc autras persunas eran a bord. L’um mort saja in Svizzer da 72 onns. Las forzas da salvament sajan en in’acziun gronda al lieu.

Foto da drona sur il lai
Legenda: In maletg da drona mussa nua che l'aviun è crudà en l'aua Polizia chantunala Son Gagl

RTR novitads 17:30

Artitgels legids il pli savens