Siglir tar il cuntegn
Inhalt

Svizra Lantschà da nov la refurma da l'armada

Suenter il naufragi da la refurma da l'armada en il Cussegl naziunal ha la chombra pitschna puspè mess sin via la fatschenta. Il minister da defensiun Ueli Maurer ha engrazià per la collavuraziun constructiva ed appelà, da deliberar il pachet sche pussaivel anc quest onn.

dus schuldads stattan sper in canzun da l'armada svizra
Legenda: La refurma da l'armada vegn anc ina giada en il Cussegl naziunal. Keystone

En la sessiun da stad ha la refurma fatg naufragi en il Cussegl naziunal perquai che la maioritad da la chombra gronda era malcuntenta cun la finanziaziun betg lianta. Il Cussegl dals chantuns ha ussa mess sin curs la fatschenta e decidì d'entrar. La fatschenta returna uschia en il Cussegl naziunal.