Siglir tar il cuntegn
Inhalt

Svizra Larissa M. Bieler daventa directura da Swissinfo

La Grischuna Larissa M. Bieler surpiglia per il 1. d'october 2018 sper sia incumbensa actuala da schefredactura da SWI swissinfo.ch er la direcziun da SWI a Berna.

Larissa M. Bieler.
Legenda: Larissa M. Bieler. SRG SSR

L'anteriura schefredactura dal Bündner Tagblatt entschaiva sia nov'incumbensa cun il prim d'october. Quai ha l'interpresa da la SRG SSR communitgà.

La funcziun dubla vegn pussibilitada cun ina nova organisaziun dal team da direcziun SWI. Reto Gysi von Wartburg è il schefdirectur remplazzant da Larissa Bieler, Peter Zschaler resta directur remplazzant.

SWI Swissinfo ademplescha dapi passa 10 onns l'incumbensa d'infurmaziun da la confederaziun en l'exteriur e cumplettescha uschia purschidas online da las staziuns da radio e televisiun da la SSR.

RR novitads 15:00