Siglir tar il cuntegn

Svizra Las differenzas da pajas n'èn betg sa midadas

Las differenzas tranter las pajas pitschnas e grondas na saja betg sa midada dapi il 1998. Las differenzas vegnian per part cumpensadas cun prestaziuns da transfers statalas, quai scriva l’uffizi federal da statistica.

6 notas da melli en furma da ventagl
Legenda: La paja media d'equivalenza era il 2012 sin 4'522 francs. RTR, F.Belotti

Dal 2003 fin il 2007 saja la differenza stada da vesair en spezial tar las entradas bassas. Quellas hajan ins dentant pudì egualisar cun prestaziun socialas. Creschidas èn las differenzas d’entradas cunzunt il 2009 en consequenza da la crisa da finanzas.

La paja media d’equivalenza saja creschida tranter il 1998 ed il 2012 per 12%, da 4'038 fr. sin 4’522 francs (la paja media d'equivalenza vegn calculada ord il total da las entradas dal tegnairchasa e dal dumber da las persunas en il tegnairchasa). Il 2012 era la paja d’equivalenza dals 20% ils pli bainstants sin 8'365 fr. Quai è 4,5 giadas pli auts che per ils 20% ils pli povers da la svizra cun 1'845 fr, scriva l’uffizi federal da statistica.
(RR novitads 14:00)