Siglir tar il cuntegn

Header

la fotografia è in maletg simbolic cun ina dunna che simulescha da dar giu in pop.
Legenda: Questas fanestras duain restar - la fotografia è in maletg simbolic cun ina dunna che simulescha da dar giu in pop a l'ospidal Lindenhof (BE). Keystone
cuntegn

Svizra Las fanestras da pops restan

Il Cussegl federal na vul betg scumandar las fanestras da pops. Quai malgrà che talas fanestras cuntrafan al dretg da l’uffant da savair sia derivanza e malgrà che talas fanestras da pops èn en ina zona giuridica grischa, scriva il Cussegl federal en ses rapport.

Da scumandar las otg fanestras da pops existentas pudess provocar ch’ina mamma en miserias pudess metter ora l’uffant en il zuppà e che l’uffant na survegniss betg in tractament medicinal. Il Cussegl federal valitescha quai pli aut ch’ils aspects negativs da las fanestras da pops.

Naschientscha confidenziala daventa pli confidenziala

Meglierar less il Cussegl federal la situaziun tar la naschientscha confidenziala che vegn pussibilitada dad intgins ospitals. Tar ina tala naschientscha na han ils uffizis dal stadi civil betg pli da infurmar las autoritads automaticamain.

L’autoritad per la protecziun d’uffants da l’autra vart ha da respectar l’avis «naschientscha confidenziala» cura ch’i sa tracta da contactar u chattar il bab.

RR novitads 12:00

Dapli da Svizraavrir la Landingpage

Nach links scrollen Nach rechts scrollen