En il chantun Giura vul la populaziun avair in pled en chapitel, sche filialas da La Posta vegnan serradas. Il Cussegl dals chantuns sustegn in'iniziativa dal chantun en chaussa. Ozendi decida be La Posta, nua ch’i dat filialas da posta. L'iniziativa pretenda che vischins e vischinas duain savair inoltrar cun ina tscherta summa da suttascripziuns in recurs cunter la serrada d'ina filiala.
Sche filialas vegnan serradas e sch’i dat enstagl agenturas en stizuns, lura duain ils servetschs sa meglierar – hai num en l’iniziativa.
Plinavant duai la Confederaziun guardar ch’ils emploiads en agenturas da La Posta vegnian scolads meglier – e na survegnian betg sulettamain ina curta introducziun. Collavuraturs da filialas da La Posta vegnian scolads sur onns, è l'argumentaziun.
RR novitads 06:00
