Ils giuvenils pon inoltrar lur giavischs ed ideas per la politica svizra davent dad oz enfin ils 25 da mars ubain sin la plattafurma engage.ch u via carta postala. Sco il parlament da giuvenils communitgescha vinavant, elegian ils 13 pli giuvens parlamentaris a Berna las meglras ideas inoltradas, per silsuenter pudair discutar quellas en la politica naziunala.
Il project cun il num «Mida la Svizra» vegn organisà per la segunda giada. L'onn passà eran passa 700 giuvenils sa participads a l'acziun.
RR novitads 12:00