Siglir tar il cuntegn
Inhalt

Svizra Las inquisiziuns en l'affera Vincenz s'extendan

La procura publica ha avert ina procedura cunter l'um da fatschenta da Genvera Stéphane Barbier-Mueller per avair gidà a gestiun malfidaivla.

Stéphane Barbier-Mueller.
Legenda: En connex cun l'affera Vincenz vegn uss er Stéphane Barbier-Mueller en il focus da las investigaziuns. Keystone

En l'affera Vincenz s'extendan las inquisiziuns uss er en la Svizra franzosa. La procura publica da Turitg ha prendì en il focus ina quarta interpresa en la causa Pierin Vincenz, Beat Stocker, Raiffeisen ed Aduno. Quai scriva la Handelszeitung.

Fin uss era enconuschent che las investigaziuns pertutgan trais cumplexs da firmas, nua che l'anteriur schef da la Raiffeisein duai avair congudagnà. Tar la quarta firma sa tractia da la Genève Credit&Leasing GCL. La procura publica ha avert ina procedura penala cunter il president da GCL, Stéphane Barbier-Mueller per avair assistì a gestiun malfidaivla.

RR novitads 16:00