Siglir tar il cuntegn

Header

Cusseglier federal Ueli Maurer
Legenda: Cusseglier federal Ueli Maurer ha preschentà a Berna la nova politica dal martgà da finanzas. Keystone
cuntegn

Svizra Las miras novas da la politica dal martgà da finanzas federala

Suenter onns cun turbulenzas pervi dal secret da banca svizzer e pervi da surpigliar standards internaziunals per bancas, vul il Cussegl federal uss rinforzar la plazza da finanzas svizra e promover novas tecnologias persuenter.

Il Cussegl federal ha explitgà en in rapport davart la politica dal martgà da finanzas publitgà la gievgia, co el vul cuntanscher quai. En il futur duain regulaziuns nizzegiar las libertads d’agir naziunalas, uschia hai num en il rapport or dal Departament da finanzas da cusseglier federal Ueli Maurer.

Sustegn per bancas en l'exteriur

La finamira dal Cussegl federal saja da tegnair liber a las bancas l'access a las fieras da l'exteriur. E cunzunt vul il Cussegl federal s'engaschar che l'UE tractia reglas svizras sco equivalentas. Latiers vul il departament da finanzas surpigliar ina rolla activa per far reclama per la plazza da finanzas svizra.

Adattar leschas per novs svilups

Vinavant vul il Cussegl federal procurar che las leschas n’impedeschan betg las interpresas da finanzas che lavuran cun tecnologia moderna. La digitalisaziun en il sectur da finanzas pussibiliteschia novs svilups sco sistems da pajar mobils, facultads e valutas virtualas programmadas e plattafurmas da crowdfunding.

RR novitads 15:00

Artitgels legids il pli savens

Scrollar a sanestra Scrollar a dretga