Siglir tar il cuntegn

Header

cuntegn

Svizra Las partidas han investì blers daners en reclama electorala

Las cifras novas mussan che las partidas han investì l'october radund 2,5 milliuns francs pli pauc per reclama ch'anc il settember. En tut il cumbat electoral ha la partida populara investì il bler en reclama.

Legenda:
Expensas totalas per reclama print, internet e placats cumulà. mediafocus
Legenda:
Expensas da las partidas per reclama print, internet e placats. Expensas da las partidas da l'avrigl fin l'october. mediafocus

Il settember han las partidas investì ils blers daners el cumbat electoral per reclama e inserats en medias. Alura l'october ha il servetsch da perscrutaziun Media Focus nudà damain expensas per reclama, en tut in minus da 2,5 milliuns francs en cumparegliaziun cun il settember.

En tut han las partidas investì el cumbat electoral dal 2015 bun 2,7 milliuns francs damain ch'el cumbat electoral ils 2011. Avant 4 onns muntavan las expensas per reclama per tut las persunas anc tar 31 milliuns francs, quest onn muntant las investiziuns totalas da tut las partidas tar 28,2 milliuns francs. Il manader dal cumbat electoral dal PPS Albert Rösti manegia ch'il PPS haja investì damain la fin dal cumbat electoral perquai che las experientschas hajan mussà ch'il 2011 eran ils burgais stuffientads.

Sch'ins reguarda las partidas alura han las partidas da la dretga il pli grond budget. La PPS ha il 2015 investì el cumbat electoral dapli che 10 milliuns francs ha la segund gronda partida svizra la PS dà ora radund 2,5 milliuns francs.

Artitgels legids il pli savens

Scrollar a sanestra Scrollar a dretga