Malgrà ina pitschna reducziun dal dumber da praschuniers restan las praschuns svizras plainas pli che plainas.
Tenor l'Uffizi da statistica eran il di da referenza, ils 3 da settember 2014, 6’923 persunas creschidas en praschun. Cumpareglià cun l'onn avant è quai ina reducziun da quasi 150 persunas. En l'entira Svizra munta il grad d'occupaziun da las cellas a 96%, in minus da 4%.
Spezialmain precara è dentant la situaziun en la Svizra franzosa ed il Tessin, nua ch'il grad d'occupaziun ha cuntanschì cun 117% in nov record.
(RR novitads a las 14:00)