Siglir tar il cuntegn
Inhalt

Svizra Las taglias sin interpresas vegnan en votaziun

Davart la terza refurma da l'imposiziun da taglia sin interpresas decida il suveran. Il referendum saja reussì, ha communitgà la chanzlia federala.

In bajetg da biros cun chazzolas
Legenda: Il suveran svizzer po decider davart la taglia ch’interpresas en Svizra ston pajar. Keystone

Uschia ha lieu la votaziun davart la terza refurma da l'imposiziun da taglia sin interpresas ils 12 da favrer 2017. Quai aveva il Cussegl federal decidì l’emna passada.

Rimnà suttascripziuns per il referendum han la partida socialdemocrata, ils verds, plirs sindicats e partidas giuvnas. Tenor els creescha la refurma novas pussaivladads a concerns ed acziunaris da mitschar da la taglia.

La refurma vul bain abolir privilegis fiscals per interpresas, quai pervi da squitsch internaziunal. Per indemnisar quai ha il parlament svizzer dentant decidì numerus novs avantatgs.

RR novitads 16:00