Ina tala observaziun cuntrafetschia al dretg sin la protecziun da la vita privata, ha il tribunal a Strasbourg dà raschun ad ina dunna da 62 onns dal chantun Turitg. Quella è dapi in accident avant passa 20 onns en dispita cun sia assicuranza. Cun questa sentenzia survegn ella uss in daner da reparaziun da passa 8’000 francs.
Las leschas svizras na tanschan betg
Tenor il Tribunal europeic per dretgs umans manca en Svizra la basa legala per far talas persecuziuns. Las perscripziuns na fixeschian betg quant ditg ch’ina persecuziun dastga durar e tge ch’ina assicuranza dastgia far cun las infurmaziuns rimnadas.
L'assicuranza d'invaliditad era pertutgada
La decisiun pudess era avair consequenzas per l’assicuranza d’invaliditad, quai ha ditg in docent per assicuranzas socialas da l’universitad da Turitg a radio SRF. Uschia stuess l’assicuranza d’invaliditad probablamain desister en il futur da laschar observar persunas.
RR novitads 17:00