La relaziun tranter la Svizra e l'UE saja buna. Uschia hai num en in rapport davart la Svizra ch'il parlament da l'UE ha deliberà il mardi. Ins profiteschia vicendaivlamain.
Critica datti dentant areguard las mesiras flancantas che protegian las cundiziuns da paja e da lavur en Svizra. Quellas sajan exageradas ed unilateralas.
Tar la cunvegna da basa haja l'UE mussà gronda flexibilitad. Quella stoppia ussa vegnir suttascritta uschè svelt sco pussaivel. Sch'i dettia progress en questa direcziun, vul l'UE era prolungar l'egualitad da la bursa svizra.
RR novitads 18:00