La studenta da Belfaux en il chantun Friburg è vegnida elegida ier saira a Basilea. La Miss Svizra 2016 studegia franzos ed istorgia d'art. Lauriane Sallin suonda a Laetitia Guarino, la Miss Svizra 2015.
«Bellezza e cor tutgan ensemen» è stà il motto da l’elecziun da la Miss Svizra, da la pli bella Svizra. Per l’emprima giada en l’istorgia da la Miss Svizra ha be il public pudì decider tgi ch’è la pli bella. Fin da qua aveva ina giuria gì mintgamai la mesadad da las vuschs.
