Lavachau per la dretgira GR - Quadroni survegn raschun - Novitads

Lavachau per la dretgira GR Quadroni survegn raschun

Il Tribunal federal dat raschun ad Adam Quadroni. El aveva fatg recurs perquai che la Dretgira chantunala n'aveva betg fatg vinavant cun decider davart la tgira da sias trais figlias ed il dretg da visita. La balla va puspè enavos en il Grischun, nua che la dretgira sto vegnir tar ina decisiun.

Autur: CDM / Dominik Hardegger

audio

Quadroni survegn raschun dal Tribunal federal

ord Actualitad dals 14.04.2020.

laschar ir. Durada: 3 minutas 53 Secundas.

Suenter la separaziun da sia dunna e las trais figlias il 2017 aveva Adam Quadroni pretendì il dretg da tgira per ses uffants. La dretgira regiunala Engiadina Bassa/Val Müstair ha sin quai sulettamain concedì il dretg da visitar sias figlias duas giadas al mais.

La primavaira da l'onn passà ha Quadroni inoltrà ina dumonda da survegnir il dretg da tgira per las mattas – u d'almain augmentar la frequenza da las visitas e la pussaivladad da far vacanzas da maximalmain tschintg emnas cun ses uffants.

Plirs avertiments pli tard, adressads a la Dretgira chantunala, ha Adam Quadroni lura inoltrà il favrer ina reclamaziun pertutgant retardada da dretg.