Siglir tar il cuntegn

Header

cuntegn

Lavada da daners Razzias sin l'entir mund – er en Svizra

Sin l'entir mund han las autoritads fatg razzias cunter lavar daners. Tenor l'autoritad da polizia europeica Europol sajan quasi 230 persunas vegnidas arrestadas, duas er en Svizra.

En total sajan 175 persunas en Svizra vegnidas identifitgadas en connex cun la lavada da daners, ha ditg Anne-Florence Débois, pledadra da l'Uffizi federal da polizia Fedpol. Tranter quellas er 78 persunas che hajan recrutà ulteriuras persunas. Pertutgads sajan en Svizra ils chantuns Vad, Turitg, Argovia e Basilea-Citad.

Radund 1000 proceduras d'inquisiziun

Passa 1000 proceduras d'inquisiziun sajan vegnidas iniziadas en l'Europa, ils Stadis Unids e l'Australia, dal settember fin november. Las acziuns èn sa drizzadas cunter interpresas e persunas ch'han organisà sur l'internet e sur persunas da contact transferiments da daners illegals en l'exteriur. Passa 7'500 transacziuns sajan vegnidas scuvertas.

RTR novitads 14:00