En il cumbat cunter la lavada da daners suspectus sto la Svizra crear tant pli spert in register da las persunas legitimadas economicamain da Trusts e constructs sumegliants. Quai pretenda l’organisaziun «Transparency International» pervi da novs standards internaziunals.
Blers cas da corrupziun e da lavada da daners suspectus mussian che persunas criminalas zuppian lur facultad illegala davos structuras betg transparentas, firmas fictivas u Trusts scriva l’organisaziun en ses ultim rapport. Il Cussegl federal vegn probabel proximamain a trametter en consultaziun in sboz en chaussa.