Il snowboardist ch'è vegnì dumengia en ina lavina ad Engelberg è mort la notg sin glindesdi en l'ospital. Quai annunzia la Polizia chantunala da la Sursilvania.
L'um da 37 onns è stà ensemen cun in'autra persuna sin viadi ordaifer las pistas marcadas da la regiun Titlis. Il snowboardist ha lura distatgà ina lavina e quella ha sepulì el. Il servetsch da salvament ha spert pudì salvar l'um. La REGA ha silsuenter sgulà en l'ospital il blessà. En questa regiun valeva dumengia in privel da lavinas considerabel, stgalim 3.
audio
Per tadlar: Las novitads da las 14:00
ord Actualitad dals 16.12.2019.
laschar ir. Durada: 2 minutas 42 Secundas.
RTR novitads 14:00