Siglir tar il cuntegn

Header

Navigaziun

CF Karin Keller-Sutter observa Solomon Aklilu tar la lavur.
Legenda: Solomon Aklilu (24) fa dapi l'avust in emprendissadi preliminar integrativ tar la Hegg SA a Münchenbuchsee. In project che la CF Karin Keller-Sutter beneventa fitg. Keystone
cuntegn

Lavur enstagl agid social Bilantscha positiva suenter in onn emprendissadi preliminar

L’emprim onn sa participeschan 700 fugitivs reconuschids e persunas admessas provisoricamain la scolaziun integrativa. Il program da pilot duai vegnir schlargià e cuzzar enfin il 2024.

A chaschun da sia visita tar ina stagnaria a Münchenbuchsee dasper Berna ha la cussegliera federala Karin Keller-Sutter accentuà l’impurtanza da l’uschè numna emprendissadi preliminar integrativ. Il program pilot ha la finamira da megliurar l’integraziun professiunala. 18 chantuns e dudesch associaziuns professiunalas sa participeschan al project.

L’emprendissadi preliminar integrativ dura in onn. Ils participants duain durant quel accurrer las cumpetenzas linguisticas e matematicas necessarias per pudair cumenzar in emprendissadi normal. En general lavuran els trais dispèr emna en l’interpraisa e dus dis van els a scola.

La scolaziun suondia l’idea da dar preferenza a la lavur enstagl a l’agid social, ha declerà Keller-Sutter. Ella ha ludà la collavuraziun tranter las interpraisas ed il chantuns. Per l’economia e las interpraisas pitschnas e mesaunas na saja quai betg adina simpel da lavurar cun persunas dad in’autra cultura. L’emprima bilantscha saja dentant positiva.

Era per betg fugitivs

A partir dal 2021 vul il Cussegl federal schlargiar il program sin persunas adolescentas e giuvens creschids che vegnan da l’UE ni da pajais terz. Parallelamain duain ils emprendissadis preliminars integrativs vegnir schlargiads sin las branschas da telecommunicaziun ed infurmaziun sco era da tgira.